Meditimi, Yoga dhe praktika të tjera të njohjes së mendjes dhe trupit tashmë janë pjesë e sistemeve të avancuara të shkollimit të fëmijëve nëpër shumë vende të botës. Studimet kanë treguar këto praktika zhvillojnë mbajmendjen, vetëkontrollin, ndjeshmërinë, reduktojnë stresin dhe depresionin si dhe ndihmojnë në krijimin e raporteve të mira mes fëmijëve dhe shokëve të shkollës.
Megjithatë , kur flasim për një vend si Shtetet e Bashkuara të Amerikës kjo gjë duket se praktikohet pak. Sipas Qendrës Kombëtare për Shëndetin Plotësues dhe Integrimit, vetëm 1.6 përqind e fëmijëve në këtë vend e praktikojnë meditimin.
Tim Rayan, themeluesi i programit për “Aftësi për jetën”, në shkollat e Ohajos, vlerëson se mësimi i fëmijëve të praktikuarit e meditimit ju ndihmon atyre të reduktojnë sjelljet negative, të ndërtojnë vetëbesim, të përqendrohen dhe të trajtojnë vetën me respekt. Kjo sipas tij është dhurata më e mirë për një fëmijë që po zhvillohet.
Rezultatet janë shumë pozitive ngase është dëshmuar se fëmijët kanë arritur të mësojnë të bëjnë balancë në emocionet e tyre, nuk janë ngacmues më fëmijët e tjerë si më parë dhe tashmë ata janë me të vetëdijshëm për sjelljen e mirë në shoqëri dhe familje.