Historia e njeh vetëm një nënpunës që ka pasur rrogën 1 milion euro në vit. Dhe, pavarësisht faktit që skocezet njihen si koprrac ishte pikërisht një skocez që ia paguante nënpunësit të tij këtë rrogë. Ai që paguante ishte Carnegie, ndërsa nënpunësi ishte Charles Schvab. Por përse Carnegie i paguante Shvabit një rrogë të tillë? Sepse Schvabi ishte gjeni? Aspak! Sepse dinte më tepër se të tjerët rreth industrisë së çelikut? As kjo!
“Vlerësoj si cilësinë time më të mirë aftësinë për të ngjallur tek ata që më rrethojnë entuziazmin maksimal nëpërmjet vlerësimit të meritave të secilit dhe inkurajimit të vazhdueshëm. Asgjë nuk shkatërron ambicien e një njeriu, më tepër se sa kritikat e eprorëve të tij. Unë nuk kritikoj kurrë askënd. Unë besoj në aftësinë e vartësve të mi për të shumëfishuar rendimentin e punës së tyre. Prandaj, jam i prirur të lavdëroj dhe jo të gjej gabime. Nëse dëshiroj që të bëhet diçka, nuk kam frikë që të bëj lavdërime dhe vlerësime. Në përvojën time jetësore në kontaktet e mia të shumta me njerëz nga vende të ndryshme të botës, nuk kam gjetur akoma në njëri, sado të madh apo të rëndësishëm,që të mos ketë më tepër rendiment në një atmosferë aprovimi dhe lavdërimi, sesa një atmosferë qortimesh e kritikash.
