Pavarësisht kush jeni, pavarësisht se ku jetoni, pavarësisht se ç’periudhë të jetës po kaloni, magjia e mirënjohjes do ta ndryshojë plotësisht jetën tuaj.
Edhe nëse tani marrëdhëniet tuaja janë në gjendje të mjerueshme, mirënjohja mund t’u japë atyre një domethënie të re, mund t’I bëjë të këndshme e të gëzueshme. Mirënjohja bën mrekulli! Ajo do t’ju sjellë begati e ju mund të siguroni aq para sa të bëni çdo gjë që dëshironi. Ju do të bëheni edhe më të shëndetshëm e lumturia juaj do të jetë e pacak. Me anë të magjisë së saj, mirënjohja do ta përshpejtojë përparimin tuaj në fushën profesionale, do t’ju bëjë edhe më të suksesshëm dhe do t’ju japë mundësi të bëni atë punë që keni ëndërruar prej kohësh. Në fakt, mirënjohja është çelësi për të arritur të bëheni, të bëni dhe të keni atë që doni. Forca magjike e mirënjohjes do ta bëjë jetën tuaj të artë.
Ndërkohë që do ta vini në punë forcën magjike të mirënjohjes, do ë kuptoni njëkohësisht edhe shkakun pse disa gjëra kanë shkuar keq ose kanë munguar në jetën tuaj. Kur ta bëni shprehjen e mirënjohjes pjesë të jetës suaj, çdo mëngjes do të ngriheni me një ndjenjë të madhe kënaqësie për jetën tuaj të bukur. Ju do të dashuroheni me jetën tuaj. Asnjë punë nuk do t’iu duket e vështirë, veten do ta ndieni pupël të lehtë, do të ndiheni të lumtur si kurrë ndonjëherë më parë. Edhe kur jeta t’ju sjellë përpara pengesa e vështirësi, ju do të dini si t’i kapërceni, madje edhe do të mësoni prej tyre… Çdo ditë do të jetë magjike. Do ditë do të jetë e mbushur me shumë më tepër magji sesa atëherë kur ishit fëmijë.
~Sekreti – Magjia/ Rhonda Byrne
