Biotina, ose Vitamina B7, është një vitaminë e tretshme në ujë që është pjesë e vitaminës B kompleks – një grup ushqyesish kyç të nevojshëm për funksionet e shëndetshme metabolike, nervore, digjestive dhe kardiovaskulare.
Biotina është gjithashtu një lëndë ushqyese që na ndihmon të mbajmë një pamje të re, tërheqëse, pasi ajo luan një rol të madh në ruajtjen e shëndetit të flokëve, thonjve dhe lëkurës. Në fakt, biotina nganjëherë merr pseudonimin “H”, e cila rrjedh nga fjalët gjermane Haar dhe Haut që nënkuptojnë “flokë dhe lëkurë”. Vitamin B7 – biotina zakonisht shtohet në produktet e bukurisë dhe flokëve të lëkurës, edhe pse besohet të mos thithet shumë mirë përmes lëkurës dhe në të vërtetë duhet të konsumohet në mënyrë ushqimore që të jetë plotësisht e dobishme.
Biotina mund të gjendet në ushqime si mish, vezë, avokado, lulelakër, manaferra, peshk, bishtajore dhe kërpudha.
Si çdo gjë tjetër edhe mbi-dozimi me vitaminën B7 mund të jetë i rrezikshëm prandaj më poshtë mund të gjeni dozën e caktuar që duhet përdorur sipas moshës.
5 mikrogramë në ditë për foshnjat
6-8 mikrogramë në ditë për foshnjat e moshës 7 muaj-3 vjet
12-20 mikrogramë në ditë për fëmijët e moshës 4-13 vjeç
25 mikrogram për adoleshentët
30 mikrogram për të rriturit meshkuj dhe femra mbi 19 vjeç
30 miligram për gratë shtatzëna dhe 35 miligram për gratë që ushqejnë me gji
