Dr. Mead Ramadani
Specialist i Gastroenterologjisë
Gastroskopia është incizim me kamerë i ezofagut (kapërcallit), lukthit dhe pjesës fillestare të zorrës së hollë (zorrës dymbëdhjetëgishtore-duodenumit)
A BËHET GASTROSKOPIA ME ANESTEZION APO PA ANESTEZION
Mund të bëhet me anestezion lokal , sprej lokal për të mpirë fytin para procedures endoskopike me qëllim të minimizimit të reflexit të vjelljes, ose
me anestezion të përgjithshëm(sedacion) që nënkupton-pacienti është në gjumë gjatë procedurës endoskopike.
DISA ARSYE PSE DUHET BËRË GASTROSKOPIA
Gastroskopia është standart i artë (gold standart) i diagnostifikimit të sëmundjeve të traktit të sipërm gastrointestinal.
Me ndihmën e Gastroskopisë indentifikohen shkaqet e shumë sëmundjeve të traktit te sipërm gastrointestinal si dhe mund të bëhen intervenime urgjente si :
Problemet me gëlltitje (Disfagia)
GERD (Sëmundja e refluksit gastroezofageal)
Hernit hiatale (kur lukthi spostohet lart, pran ezofagut)
Varikset e ezofagut (venat e zgjeruara në ezofag )
Divertikujt (xhepat) në Esofag
Dëmtimet e shkaktuara nga gëlltitja e substancave të dëmshme (corosive-kaustike), siç janë kemikaljet apo detergjentët që përdoren për pastrim
Ngushtimet ose bllokimet e traktit të sipërm gastrointestinal
Humbjet e pashpjegueshme të peshës trupore sidomos atyre rapide-të shpejta
Dhimbjeve të barkut të sipërm (Epigastriumit) ose dhimbjeve apo djegjes së gjoksit (Heartburn) që nuk shkaktohen nga zemra
Të vjellave të vazhdueshme për arsye të panjohura
Skuqjet, pezmetimet, gërvishjet (erozionet) dhe plagët (ulçerat) e mukozës së traktit të sipërm gastrointestinal
Infeksionet e traktit të sipërm gastrointestinal
• Gjakderdhjeve në traktin e sipërm gastrointestinal
Tumoret malinje ose ato beninje
Sëmundja e celiakise (alergjisë në gluten)
Sëmundja Crohn e traktit të sipërm gastrointestinal
Marrja e biopsisë
Intervenimet ne traktin e sipërm gastrointestinal si: ndalja e gjakderdhjes, heqja e polipeve, nxjerrja e trupave te huaj etj
SA KOHË NEVOJITET TË REALIZOHET GASTROSKOPIA
Procedura e Gastroskopisë diagnostike merr kohë përafërsisht 10 minuta
SI BËHET PËRGATITJA PËR GASTROSKOPI
Barnat që merren për problemet e lukthit, duhet të ndërprehen 2 javë para procedures endoskopike.
Ndalohet konsumimi i ushqimit për 6-8 ore para procedurës endoskopike, ndërsa
konsumimi i lëngjeve, duhet të ndërprehet 2-3 orë para procedurës endoskopike.