Shëndeti mendor është i komplikuar dhe një gjendje shumë personale, megjithatë, sipas shkencëtarëve në Universitetin e Otagos, ekzistojnë lidhje të rëndësishme midis mirëqenies psikologjike dhe gjumit, aktivitetit fizik dhe konsumit të frutave dhe perimeve. Përqendrimi në këto zakone themelore të shëndetshme është një mënyrë e miratuar nga shkenca për të rritur humorin tuaj dhe për të përmirësuar shëndetin tuaj të përgjithshëm.
Këtu janë disa këshilla:
FLINI
Njerëzit me më pak se 8 orë gjumë dhe më shumë se 12 orë gjumë kanë më shumë gjasa të zhvillojnë simptoma depresive dhe një ndjenjë më të ulët të mirëqenies. Me pak fjalë, kjo do të thotë se më shumë gjumë nuk është domosdoshmërisht më i mirë nëse nuk është gjumë cilësor. Pra, si mund ta përmirësoni cilësinë dhe sasinë e gjumit tuaj?
- Fikni ekranet të paktën 30 minuta para se të shkoni në shtrat
- Mundohuni të keni orare shumë të rregullta
- Shmangni kafeinën dhe alkoolin para gjumit
USHTROHUNI
Stërvitja stimulon prodhimin e endorfinës, e cila mund të çojë në një ndjenjë të mirëqenies së shkurtër dhe afatgjatë. Kështu që ju duhet të luani sport. Do të ishte mirë të programoni tre pasdite në javë. Megjithatë, nuk është e nevojshme të shkoni në palestër. Për të marrë përfitimet, por edhe për të filluar futjen e gjimnastikës në rutinën tuaj, ju duhet të:
- Zgjidhni një aktivitet që ju pëlqen vërtet.
- Përfshini familjen ose miqtë dhe të shkoni për një shëtitje me biçikletë së bashku.
- Provoni një aplikacion gjurmimi fitnesi ose një klasë stërvitjeje virtuale
KONSUMONI FRUTA DHE PERIME
Konsumimi i frutave dhe perimeve nuk është një faktor dytësor në shëndetin mendor. Pra, duhet të shtoni perime në ushqimet që hani aktualisht, si makaronat, omëletat. Konsumoni fruta, ndoshta duke i shoqëruar me kos, gjalpë kikiriku ose arra për të rritur proteinat dhe për t’ju mbajtur më gjatë të ngopur.
