Sa herë mendojmë tek dashuria ose përpiqemi të deshifrojmë ndjenjat tona, na shkon mendja të fluturat në stomak. Për vite me radhë shkenca është përpjekur që të zbulojë misteret e dashurisë.
Të kuptuarit e dashurisë nuk është gjë e lehtë, në veçanti kur bëhet fjalë për kuptimin e vetvetes, ndjenjave tona ndaj dikujt tjetër. Gjithçka që është e ditur fare mirë është fakti se ky është një reaksion shumë i shpejtë, ndjenja të jashtëzakonshme dhe gjithëpërfshirëse të të qenët kokë e këmbë në dashuri dhe çmendurisht i lidhur me një person tjetër.
Sipas studiuesve bëhet fjalë për disa zona të trurit, të cilat janë aktive në krijimin e ndjenjave të dashurisë. Këto zona janë aktive edhe kur njerëzit janë nën ndikimin e alkoolit apo drogave të ndryshme, që i bie se euforia është e njëjtë.
Janë disa rajone të trurit si: dorsolateral, frontal, apo anterior, si dhe elemente kimike të tilla si dopamina dhe oksitoksina, përfshihen në krijimin e ndjenjave të dashurisë
Në anën tjetër është konstatuar se të kuptuarit e këtyre zonave trunore që aktivizohen gjatë përjetimit të dashurisë së vërtetë mund t’ju ndihmojë mjekëve që të kuptojnë më mirë problemet psikologjikë dhe terapeutike, duke gjetur kështu trajtimet e reja për çiftet që vuajnë nga varësia ndaj dashurisë, të ndjerit të pa dashuruar apo të vetmuar, ose të refuzuar në dashuri.