Nëse jeni një person me jetë sociale të ngarkuar atëherë me siguri që mëngjesi për ju është faza më sfiduese e ditës. Por për shumicën kjo pjesë thjeshtë përfshihet në rutinën e tyre ditore. Nëse ju jeni një ndër personat e tipit të parë atëherë këto këshilla do t’iu hyjnë në punë mjaftueshëm që nesër të zgjoheni më herët se sot!
Filloni ngadalë;
Nëse duhet të zgjoheni në ora 8 por zakonisht zgjoheni në orën 9-të atëherë provoni që dalë ngadalë ta ulni këtë orar. P.sh filloni duke lënë alarmin në 8:45, pas 2 ditësh në 8:30 e kështu me rradhë.
Mos pusho;
Pas zgjimit, mos pushoni në shtrat. Bëj diçka më energjike, të paktën rregulloni shtratin.
Krijoni një rutinë;
Bëj një dush, hani mëngjesin, lexoni një artikull. Kur krijoni një rutinë të mëngjesit do ta keni shumë më lehtë të zgjoheni dhe ta ndiqni atë.
Flini mjaftueshëm;
Është e logjikshme që kur keni fjetur mjaftueshëm ju do të ndiheni më të relaksuar dhe do të zgjoheni pa problem në mëngjes. Kur kemi mungesë të gjumit, reagimet tona ngadalësohen, niveli i gjakut rritet dhe tendenca për të ngrënë më shumë është më e lartë.
Largo pajisjet elektronike;
Është me të vërtetë e rëndësishme të largoni të gjitha pajisjet para se të shkoni në shtrat të paktën 1 orë më herët.
Kontrollo ushqimin;
Ushqimet si kafeja, alkooli apo ushqimi pikant nuk do t’iu lejojnë të flini rehat. Prandaj anashkaloni ato kur t’iu afrohet orari I gjumit.