Nëse dëshironi të korrni suksese në të ardhmen atëherë gjëja e parë ku duhet filluar është mënyra se si e organizoni ditën tuaj. Filloni që tani të mendoni se si duhet kaluar koha juaj e çmuar, pasi ajo nuk kthehet prapë.
Gjërat e para në fillim: Shkruani gjërat e rëndësishme në një fletë, telefon apo kompjuter. Do t’ju ndihmojë të fokusoheni dhe të kthjelloni mendimet e juaja, po ashtu do t’ju ndihmojë të planifikoni kohë më parë.
Krijoni një listë të gjërave që duhen bërë në kohën që duhen bërë: Në këtë mënyrë ju do të keni një qëllim të kthjellët, dhe fokusim më të lehtë në të. Do të ndiheni më të motivuar pas kompletimit të çdo detyre.
Përfundoni gjërat tani: Mos I shtyni gjërat për më vonë. Përfundoni ato sa më shpejt që të mundeni, teksa ndiheni më të motivuar. Duke I shtyrë obligimet atëherë do të ndiheni më të stresuar.
Menaxhoni kohën tuaj; Listoni prioritetet e juaja çdo ditë, kryeni punët më të rëndësishme në fillim, pyetni të tjerët për ndihmë që ju të koncentroheni në detyra më të rëndësishme, vendosini vetës qëllime realistike etj.
Zakonet e njerëzve të organizuar mirë janë:
Zgjohen herët në mëngjes.
Meditojnë.
Hanë ushqim të shëndetshëm.
Janë të sinqertë.
Kujdesen për shëndetin e tyre.
