Dehidrimi është gjendje e cila paraqitet kur dikush humb më shumë lëngje se sa ka konsumuar, ku me këtë prish baraspeshën e ndieshme të mineraleve në lëngjet trupore.
Në një moment, ne të gjithë kemi një nivel të dehidrimit dhe kemi nevojë për lëngje. E gjithë trupi ynë varet nga uji që të funksionojë, dhe sa më shumë ujë që marrim, aq më efektive do të jenë funksionet tona trupore! Shikoni shenjat që tregojnë se ju nuk jeni duke pirë ujë mjaftueshëm.
1. Mungesa e djersitjes;
Nëse nuk djersiteni gjatë stërvitjes, kjo mund të jetë një tregues se nuk jeni duke pirë ujë mjaftueshëm! Nëse jeni të dehidruar, trupi juaj mund të ndalojë djersitjen plotësisht. Kjo mund të jetë e rrezikshme për shumë arsye, por sidomos sepse djersitja është mbrojtja natyrale e trupit tonë nga mbinxehja, pasi djersitja rregullon temperaturën tonë bazë. Pa atë mbrojtje natyrore, ju e vendosni veten në rrezik të mbinxehjes, që mund të jetë vdekjeprurëse.
2. Lëkura e thatë;
Dehidrimi drejtpërdrejt ndikon volumin tuaj të gjakut! Mos marrja e ujit të mjaftueshëm do të zvogëlojë volumin tuaj të gjakut dhe zvogëlon qarkullimin / furnizimin në lëkurën tuaj, gjë që mund të shkaktojë lëkurë të thatë.
3. Etje ekstreme;
Të jesh i etur është mënyrë e natyrshme e trupit tënd për t’ju thënë se ka nevojë për ujë. Nëse jeni jashtëzakonisht të etur në mënyrë të pakëndshme kjo do të thotë se jeni dehidratuar dhe keni nevojë për lëngje menjëherë. Bëni vetes një nder dhe dëgjoni trupin tuaj!
4. Sistem imun i dobët;
Dehidrimi kronik luan një rol të rëndësishëm në sistemin tonë imun. Çdo organ i vetëm në trupin tonë mbështetet në ujë, kështu që nëse ju nuk jeni duke pirë ujë të mjaftueshëm për të zëvendësuar lëngjet që ju humbisni natyrshëm, trupi juaj nuk merr ushqyesit që i nevojiten.
5. Lodhje;
Kur trupi juaj është i privuar nga uji, ai do të mbyllë furnizimin e tij të gjakut. Kur kjo ndodhë, nivelet e energjisë do të ulen dhe do të fillojë lodhja. Muskujt dhe organet jo thelbësore do të fillojnë të veprojnë me një ritëm më të ngadalshëm dhe do të ndiheni të ngadaltë dhe të përgjumur.
6. Urinim i reduktuar;
Kur trupi juaj është i dehidruar, ai do të përdorë çdo pikë të fundit të lagështisë për të mbështetur funksionet e saj themelore. Kjo do të thotë, si djersitje, prodhimi i urinës dhe prodhimi i lotit ose do të ulen ose do të pushojnë plotësisht, varësisht nga niveli juaj i dehidrimit. Nëse e gjeni veten në një situatë ku prodhimi i urinës është zvogëluar ndjeshëm, ndoshta është koha për të mbushur një shishe uji!
7. Dhimbje koke të vazhdueshme;
Truri juaj ulet brenda thesit të vet me lëngje që e mban atë nga goditja kundër kafkës suaj. Nëse ky thes i lëngjeve është varfëruar për shkak të dehidrimit, truri mund të shtyjë deri në pjesë të caktuara të kafkës dhe të shkaktojë dhimbje koke ose migrenë.
