Disa prej nesh mund të mendojnë se janë tepër të dëshpëruar, të nevrikosur, që të nxisin një drejtim të ri për motivimin vetjak. Ekziston një rregull i pamohueshëm për të zotëruar vuajtjet dhe zhgënjimet, dhe ky është ndryshimi i këtyre lidhjeve emocionale përmes punës së planifikuar mirë. Është një rregull që nuk ka të ngjashëm.
Sapo të krijojmë imazhin e personit që duam të bëhemi hapi tjetër në këtë rrugë është “puna e planfikuar mirë”. Puna e planifikuar mirë nxit energjinë që vjen nga qëllimi. Pa të, ne vuajmë nga një lloj i çuditshëm çrregullimi i mungesës së qëllimit. Nuk kemi qëllim. Nuk e dimë se ku po shkojmë apo se çfarë po bëjmë. Kur të filloni të zbatoni këtë do të shihni se është krejt e thjeshtë. Kur ju planifikoni një orë kurseni tri orë zbatim. Megjithatë shumica prej nesh nuk mendojnë se kanë kohë për atë orë planifikimi. Jemi shumë të zënë me fshirjen e problemeve të djeshme. Nuk e shohim edhe se planifikimi do të ishte ora më produktive që mund të shpenzojmë. Në vend të kësaj, vërdallisemi në vendin e punës dhe reagojmë ndaj problemeve. Një takim i planifikuar me kujdes mund të marrë një të tretën që merr një takim i paplanifikuar, për të gjithë.
Është e pamundur të punoni me një qëllim të përcaktuar mirë dhe do të jeni të dëshpëruar njëkohësisht. Puna e planifikuar me kujdes do t’ju motivojë të bëni më shumë dhe të shqetësoni më pak./Unik Portal/