Të besosh se do të kesh sukses në një gjë është rreth 95% e punës dhe suksesit. Mbi këtë teori punët e vet e ka kryer edhe kirurgu i njohur vjenez Dr. Hans Finster. Shpesh herë ky kirurg është quajtur “Kirurgu kulmor i udhëhequr nga dora e Zotit”, dhe pikërisht ky ishte përshkrimi më i mirë për të ngase ai qëndronte mbrapa idesë së kuptimi dhe zbatimi i drejtë i besimit në Zot shndërrohet në faktor të rëndësishëm për mbizotërimin e sëmundjeve dhe për shërim.
Dr.Finster është nderuar me titullin “Maestro i kirurgjisë”, që është titulli më i madh i nderit që ndan Shoqata Ndërkombëtare e Kirurgjisë.
Ai ka kryer gjatë punës së tij si doktor në lëmin e kirurgjisë abdominale mbi 20 mijë operacione. Por, ajo që është më e rëndësishme në gjithë këtë është se ky kirurg ka kryer rreth 8000 mijë operacione duke shfrytëzuar vetëm anestezionin lokal. Ai mbështetej në idenë se avancimi në mjekësi dhe aparatet e reja mjekësore nuk mjaftojnë dhe nuk sigurojnë ecurinë e lumtur të një operacioni.
Ai në çdo paraqitje publike kur ka folur për suksesin e tij në mjekësi gjithmonë e ka theksuar se besimi në Zot e ka bërë atë kaç të suksesshëm në një punë kaç të ndjeshme.