Një recetë shumë e lehtë dhe shumë e shijshme me përbërës që të gjithë mund ti kemi në shtëpi. Fjala brusketa vjen nga fjala italiane “Bruscare”. Sidoqoftë edhe pse duket një recetë shumë e lehtë, lloji i bukës, dhe domateve ka shumë rëndësi.
Brusketat zakonisht servohen si antipastë.
Përbërësit:
1 Bukë franceze (Baguette) ose bukë italiane; 5-6 domate të copëtuara imët; 1/3 e një gote borzilok të freskët; 2 thelpinj hudhre; 1 lugë gjelle uthull balsamike; 1 lugë caji vaj ulliri; ½ lugë çaji piper i zi;
Në një enë të madhe kombinoni domatet e copëtuara, gjethet e borzilokut dhe hudhrën. Hidhni uthullën balsamike, vajin e ullirit, piperin e zi dhe kripën për shije.
Prejeni bukën në copa të holla. Lyjeni çdo copë me gjalpë ose vaj ulliri. Vendoseni bukën në furrë deri sa të piqet pak. Pastaj dekorojini copat e bukës me përbërësit e përzier më parë.
Ju bëftë mirë. /Unik Portal/